Ministria e Ekonomisë dhe Ambientit ka ekzektuar mjetet për pagat e minatorëve të Trepçës. Siç thuhet në njoftimin e ministrit Blerim Kuçi, mjetet kapin vlerën prej një milion eurosh, përcjell InLajmi.
Gjatë javës së ardhshme pritet të ndahen edhe 100.000 euro nga Qeveria e Kosovës dhe me këtë do të kompletohet shuma e nevojshme për pagat e minatorëve.
“Duhet të sqarohet që pjesa prej 100,000.00 eurosh, që e kompleton ndihmën prej 1.1 milionë euro, do të ndahet gjatë javës tjetër për shkak se këto alokime nga buxheti i pakos së rimëkëmbjes ekonomike do të duhet të votohet në Mbledhjen e Qeverisë mbi kriteret dhe motivet e ndihmës për subjektet e caktuara”, thuhet mes të tjerash në njoftimin e ministrin Kuçi.
Përndryshe, minatorët e Trepçës prej dje janë ngujuar në minierë për të shprehur pakënaqësinë se nuk i kanë marrë pagat e muajit tetor./InLajmi/
Më poshtë ua sjellin njoftimin e plotë të ministrit Kuçi:
Ekzekutohet ndihma financiare për Trepçën
Minsitria e Ekonomisë dhe Ambientit në mëngjesin e sotëm ka ekzekutuar ndihmën financiare për Trepçën, në vlerë prej 1 milion eurosh.
Kjo ndihmë u ekzekutua sot për shkak të teknikaliteteve të bartjes së mjeteve në Ministrinë e Ekonomisë dhe Ambientit.
Duhet të sqarohet që pjesa prej 100,000.00 eurosh, që e kompleton ndihmën prej 1.1 milionë euro, do të ndahet gjatë javës tjetër për shkak se këto alokime nga buxheti i pakos së rimëkëmbjes ekonomike do të duhet të votohet në Mbledhjen e Qeverisë mbi kriteret dhe motivet e ndihmës për subjektet e caktuara.
Pra nuk është vetëm ndihma pre 1 milionë euro, por do t’i bashkohet edhe shuma prej 100,000.00 eurosh.
Ne jemi të përkushtuar që të zgjidhim problemet e ndërmarrjeve publike, sidomos në kohën e pandemisë COVID-19, pasi kemi ndjeshmërinë e secilës familje të punëtorëve të Trepçës. Duhet të kuptojnë edhe punëtorët që ka procedura për transferim të mjeteve dhe nuk është çështje minutash pasi ekziston një sistem më i ndërlikuar për transferim të mjeteve financiare.