Komisioni për Buxhet dhe Transfere ka shqyrtuar Projektligjin për ndarjen e Buxhetit të Kosovës për vitin 2021, raporton InLajmi.
Zëvendësministri i Financave, Agim Krasniqi ka thënë se gjatë vitit 2021 pritet që ekonomia të ketë një rritje prej 5.2%.
“Ne vlerësojnë që ekonomia në vitin 2021 ekonomia të rritet me një normë prej 5.2%. Edhe vitin2021 te shpenzimet është programi për rimëkëmbje ekonomike ku është aprovuar një shumë prej 182 milionë euro, ku një pjesë është e destinuar për sektorin e shëndetësisë”, tha Agim Krasniqi.
Krasniqi më tutje shtoi se programi për Rimëkëmbje Ekonomike, në vitin 2021, arrinë shumën 182 milionë euro.
Ai tha se me rishikimin të kufijve buxhetor që kanë ndodh për vitin 2021/23, ne mendojmë që si ministri kemi përgatitur një projektligj gjithëpërfshirës.
Sipas Krasniqit projektligji është përgatitur në koordinim me Fondin Monetar Ndërkombëtar.
“Këtë projektligj e kemi përgatitur në koordinim me FMN-në, dhe është përgatitu brenda rregullave”, tha ai.
Krasniqi ka deklaruar se rënia ekonomike këtë vit pritet të arrijë në 6.7%.
Deputetja Mimoza Kusari-Lila ka kritikuar Qeverinë, që sipas saj ka shkurtuar mjetet financiare për arsimin e shëndetësinë.
“Kemi rritje të buxhetit për asfalt, kurse zvogëlim për arsim. Projektbuxheti duhet te flasë për prioritete të qeverisë, neve na vjen projektbuxheti me 54 milionë më shumë për asfalt, keni shtuar autostrada të reja, kurse kemi zvogëlim të buxhetit për Ministrinë e Arsimit, Shëndetësisë”, shtoi Kusari-Lila.
Deputeti i PDK-së, Bedri Hamza, ka thënë në buxhet nuk janë përfshirë shumë projekte që janë në programin e qeverisë.
“Sa vende të punës do të humbin nga kjo rënie ekonomike, cili është ndikimi në humbjen e vendeve të punës. E shohim një diskrepancë të madhe ndërmjet programit të qeverisë dhe buxhetit që na është prezantuar”, tha Hamza./InLajmi/
