Arrestimet e fundit nga Gjykata Speciale kanë shkaktuar reagime të shumta nga zyrtarë shtëror por në të njëjtën kohë nuk kanë munguar edhe lajmet e publikuara nga mediat e huaja, transmeton InLajmi.
Edhe mediat austriake i kanë kushtuar një artikull veçanarisht presidentit Thaçi pas arrestimit.
“Die Presse”, shkruan se Parlamenti në Prishtinë duhet të bëjë zgjidhje për një kryetar të ri të shtetit, duke kujtuar se presidenti i mëhershëm Hashim Thaçi është duke u gjykuar në Hagë.
Njeriu i fortë i Kosovës, Hashim Thaçi tani duhej ta ndërronte karrigen e zyrës me bankën e të akuzuarve. Me një ngurrim të dukshëm, presidenti, i cili kishte dhënë dorëheqjen disa ditë më parë, e lejoi veten t’ia lexojnë aktakuzën në paraqitjen e tij të parë përpara Gjykatës Speciale të Kosovës në Hagë në fillim të javës. Ish-udhëheqësi politik i ushtrisë së shqiptarëve të Kosovës, UÇK hodhi poshtë akuzat për përgjegjësi për krime lufte të tilla si vrasje, persekutim dhe tortura gjatë luftës së Kosovës në fund të viteve 1990: “Unë deklarohem i pafajshëm për çdo pikë, ka shkruar gazeta austriake.
Rikujtojmë se, ish-presidenti Hashim Thaçi bashkë me Kadri Veselin, Jakup Krasniqin dhe Rexhep Selimin në seancat e tyre gjyqësore kanë deklaruar pafajësinë e tyre./InLajmi/
