Kryeministri i Kosovës, Avdullah Hoti nga Shkupi ka njoftuar se me homologun e tij, Zoran Zaev, janë dakorduar që të lëvizin përpara disa projekte, raporton InLajmi.
Hoti, ka uruar homologun maqedonas për bashkëpunimin në kohën e pandemisë, si dhe ka uruar atë për avancimin drejt integrimit evropian.
“Ju përgëzoj për avancimin drejt integrimeve evropiane. Keni bërë një rrugëtim të gjatë si shtet, dhe ne kemi shumë për të mësuar nga reformat që keni ndërmarrë në ekonomi. Ju falënderoj në emër të Qeverisë dhe popullit të Kosovës për bashkëpunimin që kemi pasur këta muaj gjatë pandemisë. Kemi dakordim që të lëvizim përpara në disa ide, në disa projekte që janë në interes të 2 ekonomive tona. E mirëpres shumë idenë që të shkojmë drejt ndërtimit të një pikë të përbashkët kalimit kufitar”, tha ai para mediave.
Hoti ka thënë se duke avancuar me ndërtimin e pikës të kalimit kufitar do të lidhet Prishtina me Shkupin për më pak se një orë./InLajmi/
