Kryetari i Komunës së Gjilanit, Lutfi Haziri në ka folur rreth gjendjes me Covid-19 në komunën që ai drejton.
I pyetur nëse përkrah një mbyllje tjetër për të parandaluar përhapjen e koronavirusit, Haziri ka thënë se kjo nuk do të ishte një veprim i mirë i institucioneve.
“Jo nuk mendoj se ajo do të ishte zgjidhja, unë jam më shumë për një kontroll më strikt, por jam kundër mbylljes. Jam i vetëdijshëm se kur shteti është i mbyllur dhe policia del në rrugë, gjithçka kontrollohet më lehtë, por ne duhet të përcjellim edhe shtetet fqinje dhe ky është një proces që nuk kemi mundësi të jemi imun vetëm ne”, ka thënë Haziri në kanal10.
Kujtojmë se ditëve të fundit ka pasur debate të shumta rreth mundësisë së mbylljes të pjesshme shkaku i rritjes së rasteve të infektuarve me Covid-19.
