Ministrja e Kulturës, Rinisë dhe Sportit, Vlora Dumoshi ka pritur në takim një grup të të rinjve të Kosovës, nga etni të ndryshme, raporton InLajmi.
Dumoshi ka thënë se është kënaqësi kur organizatat rinore kërkojnë takime, duke shtuar se do të certifikojnë 400 të rinj si ndërmarrës.
“Në këtë kohë pandemie keni bërë një punë të shkëlqyer dhe për mua jeni të mirëseardhur dhe do të kem gjithmonë kohë për ju”.
“Ne kemi paraparë të certifikojmë, 400 persona si ndërmarrës të rinj. Kjo rrjedhimisht reflekton me zhvillimin ekonomik të Kosovës. Për mu ka qenë kënaqësi që në Ranilluk u dhanë certifikimet e para”.
Egzona Shala, drejtoreshë e EKOS-it, falënderoi ministren Dumoshi për përkrahjen në emër të rinisë.
“Këta kanë shprehur vullnetin me ardhur dhe me krijuar një komunikim të ndërsjellë. Por kësaj here kanë qenë të komuniteteve dhe është vërejtur një angazhim nga ministria e Kulturës”, tha ajo.
Barilina Aliu, kryetare e “KFRL” nga Obiliqi ftoi ministren për vizitë në këtë qytet për tu njohur nga afër me problemet dhe aktivitet e të rinjve./InLajmi/
