7 shtator 70 – Ushtria e Perandorisë Romake, e udhëhequr nga Perandori Titus, pushtoi dhe plaçkiti Jerusalemin.
7 shtator 1533 – Në Grinuiç (Greenwich) lindi Mbretëresha Elizabeta e 1-rë, e cila pas ngjitjes në fron mundi spanjollët dhe e bëri Anglinë njërën prej vendeve më të rëndësishme në botë.
7 shtator 1776 – Për herë të parë në botë u ndërmor një sulm me nëndetëse. Mjeti nënujor, i prodhuar nga amerikanët gjatë Luftës së Pavarësisë dhe të cilin e quajtën “Breshka”, vendosi nën anijen kryesore të marinës angleze “HMS Eagle” një minë me sahat, por sulmi dështoi.
7 shtator 1812 – Perandori i Francës, Napoloni i 1-rë, mposhti ushtrinë ruse në zonën Borodino, që ndodhet në perëndim të Moskës.
7 shtator 1927 – Shpikësi amerikan, Philo Taylor Farnsworth prodhoi televizionin e parë, i cili punonte plotësisht me sistem elektronik.
7 shtator 1940 – Gjatë Luftës së Dytë Botërore forcat ajrore gjermane filluan bombardimet ndaj Londrës, që zgjatën 57 ditë pandërprerë. Këto bombardime u quajtën “The Blitz”.
7 shtator 2011 – Avioni i pasagjerëve që transportonte ekipin e hokejit në akull “Lokomotiv Yaroslavl” u rrëzua në lumin Vollga disa minuta pas ngritjes nga aeroporti i qytetit Yaroslavl. Në këtë aksident humbën jetën 44 prej 45 pasagjerëve që ndodheshin në bordin e avionit.
