Pas formimit ë koalicionit qeverisës, në mes të BDI-së dhe LSDM-së, kryetari i komunës së Drenasit, ka uruar liderin e shqiptarëve në Maqedoninë e Veriut, për këtë arritje. Madje, z. Lladrovci ka cekur se pa Ali Ahmetin, ky vend nuk ecë as një hap përpara.
- Lladrovci ka uruar që fuqizimi i shqiptarëve nëpërmjet institucioneve demokratike të jetë prioritet, ndërsa bashkimi i shqiptarëve të jetë platformë e qëndrueshme.
Ja postimi i z. Lladrovci në rrjetin social:
Vëlla Ali,
Përgëzime për krijimin e Qeverisë së re. U rikonfirmua se pa Juve, ky vend nuk ecë as një hap përpara.
Jam i bindur se në mandatin e ardhshëm, do të përmbushni zotimet për ngritjen e cilësisë së jetës së qytetarëve, të realizoni perspektivën evropiane dhe krijoni hapësira të reja për shqiptarët.
Uroj që fuqizimi i shqiptarëve nëpërmjet institucioneve demokratike të jetë prioritet, ndërsa bashkimi i shqiptarëve të jetë platformë e qëndrueshme.
Urime dhe suksese në mandatin e ardhshëm qeverisës! /InLajmi/
