Philippe Coutinho e turpëroi Barcelonën të premten mbrëma me dy gola dhe një asistim, në fitoren 8:2 të Bayern Munich në çerekfinale të Ligës së Kampionëve.
Reprezentuesi brazilian u inkuadrua në pjesën e dytë të kësaj ndeshje, por ato minuta ishin të mjaftueshme për ta bërë edhe më të rëndë eliminimin e Barcelonës.
Eliminimi i Barcelonës do të bëhet edhe më i dhimbshëm nëse Bayern Munich fiton Ligën e Kampionëve, pasi ata kanë një klauzolë me Liverpoolin dhe do të detyrohen të paguajnë pesë milionë euro tjera nëse Coutinho e fiton Ligën e Kampionëve
Kjo ishte pjesë e marrëveshjes së tyre, që mundësoi transferimin e Coutinhos në ‘Camp Nou’ në janar të vitit 2018, me Barcelonën që deri tash ka paguar 135 milionë euro për brazilianin, përcjell lajmi.net.
Klubi katalan do të paguajë edhe pesë milionë euro nëse Coutinho fiton Ligën e Kampionëve, dhe në mënyrë të jashtëzakonshme raportohet se klauzola është specifike më shumë për lojtarin sesa për klubin
