Kryministrja e Zelandës së Re, Jacinda Ardern ka njoftuar se do të zgjasë për 12 ditë tjera kufizimet e vëna për parandalim të përhapjes së Coronavirusit, pasi numri i personave të infektuar është rritur në 29.
“Ekzistojnë katër nivele të alarmit në Zelandën e Re, dhe Auklland është në nivelin e tretë nga dita e mërkurë”.
Arden ka thënë se pjesa tjerët e shtetit është në nivelin e dytë, dhe se të gjitha këto masa do të vazhdohen.
Zelanda e Re ka arritur ta ndalë me sukses përhapjen e Coronavirusit, duke regjistruar 102 ditë pa asnjë të infektuar.
Origjina e shpërthimit të ri në Auklland – qytetin më të madh të Zelandës së Re, me popullsi prej 1.5 milion banorëve – është duke u hetuar ende.
Kryeministrja e këtij vendi ka thënë se beson që brenda 12 ditëve, origjina e shpërthimit të virusit do të identifikohet, do të izolohet, në mënyrë që më pas të ketë kthim në nivelin e dytë të rrezikut.
Numri i personave të vdekur si pasojë Coronavirusit në botë, ka tejkaluar shifrën 750,000 sipas të dhënave të Universitetit Johns Hopkins.
Sipas po këtij institucioni, numri i të infektuarve në nivel global me Coronavirus ka shkuar në më shumë se 20,7 milionë.
