Mbi 50% e kompanive nuk po punojnë me kapacitete të plota. Madje deri në fund të muajit korrik mund të humbin vendin e punës rreth 40 mijë persona, si pasojë e pandemisë, raporton InLajmi.
Kështu ka thënë kryetari i Sindikatës së Punëtorëve të Sektorit Privat, Jusuf Azemi.
Azemi mes tjerash ka thënë se një pjesë e madhe vendin e punës po e humbasin si pasojë e neglizhencës së kërkesave së pronarëve të kompanive dhe punëtorëve të sektorit privat.
“Mbi 50% e kompanive të Kosovës nuk po punojnë me kapacitet të plotë sepse këtë nuk po ua mundëson në një far forme zhvillimi ekonomik i këtyre bizneseve dhe ne e kemi përsërit dhe frikohemi se deri në fund të këtij muaji dhe fillim muajit tjetër do të humbin mbi 40 mijë vende të punës. Një pjesë e madhe vendin e punës po e humbin edhe për shkak të neglizhencës të kërkesave së pronarëve të kompanive dhe punëotrëve të sektorit privat”.
Megjithatë, i pari i punëtorëve thotë se punëtorët e sektorit privat edhe para pandemisë janë ballafaquar me probleme të shumta.
Por, ai theksoi se një pjesë e madhe e kompanive tash punëtorët janë duke i paguar vetëm 50%, me arsye se ata janë duke punuar vetëm me 50% të kapaciteteve.
Azemi e ka vlerësuar punën e qeverisë kaluar dhe qeverinë aktuale me notën zero, që sipas tij obligimet e Pakos Emergjente qeveria ende nuk i ka kryer.
Azemi ka thënë se është krijuar një presion i dyanshëm nga pandemia dhe qeveria e vendit.
“…Qeveritë e Kosovës din të marrin vendime në një far forme nga tavolina por nuk e dinë se sa është kostoja e atyre vendimeve kur nuk paguan pagesat në koonform të marrëveshjes dhe këndej merr vendime që të sanksionojë, dhe ne kemi një presion të dyanshëm nga pandemia dhe nga Qeveria”./InLajmi/
https://vimeo.com/441727976
