Kryeministri i Kosovës, Avdullah Hoti, sot do të mbajë konferencë për media teksa ende nuk dihet nëse ai do të propozojë shpalljen e gjendjes së jashtëzakonshme, përcjell InLajmi.
Në një njoftim nga zyra e Kryeministrit është bërë e ditur se Hoti do të mbajë konferencë në orën 16:00, në oborrin e Qeverisë.
“Kryeministri Avdullah Hoti do të mbajë konferencë për medie”, thuhet në njoftim.
Ndërkohë, Kryeministri Hoti ka thënë se Kosova po shkon drejt shpalljes së gjendjes së jashtëzakonshme.
Për këtë, Hoti ka folur edhe me kryetarët e komunave, të cilët e kanë përkrahur në propozimin e gjendjes së jashtëzakonshme./InLajmi/
