Kreu i SBASHK-ut, Rrahman Jasharaj, nuk ka pritur që Kushtetuesja të hedhë poshtë Ligjin për paga të ish-qeverisë Haradinaj.
Ai tha se në këtë ligj është punuar shumë nga ish-Qeveria Haradinaj dhe SBASHK-u.
“SBASHK ka pritur aplikimin e këtij ligji në dhjetor të vitit të kaluar, por Kushtetuesja ka punuar gjashtë muaj në këtë ligj sikur të ishte me mijëra faqe. Është një zhgënjim tepër i madh. Ne jemi në hall, pasi mësimdhënësit kanë pritur aplikimin e këtij ligji. Kam frikë se në shtatori do të ketë kërkesa sindikale”, tha Jasharaj, duke aluduar në mundësinë e grevave në arsim, shtoi ai në emisionin DebatPlus në TV Dukagjini.
Ndryshe, Avokati e Popullit e kishte dërguar ligjin për paga në Kushtetuese për shkak të ankesave të një pjese të sindikatave. Gjykata Kushtetuese hodhi dje poshtë në tërësi ligjin për paga, duke e quajtur antikushtetues..
