Profesori i mjekësisë Shefqet Lulaj është shëruar plotësisht nga koronavirusi.
Lajmin e mirë e ka bërë të ditur vet Prof. Lulaj në një letër, përmes së cilës i ka falënderuar kolegët e tij nga Klinika Infektive, si dhe të gjithë miqtë që janë interesuar për shëndetin e tij, përcjell InLajmi.
Ai ka thënë se në Klinikën Infektive ka pasur një trajtim mjaftë të mirë, dhe e falenderon stafin e kësaj klinike.
Lulaj ka shtuar se tani ndodhet në shtëpinë e tij duke u rehabilituar pas sëmundjes.
Postimi i plotë i tij:
Të nderuar zonja dhe zotërinj gjinekolog/obstetër, miq të nderuar. Ju njoftoj që pas një përballje jo të lehtë me virusin corona ngadhënjeva duke e mposhtur atë me sukses.
Suksesi erdhi me ndihmën e Zotit, personelit të Klinikës Infektive, Reparti B dhe familjes time e cila nuk u nda nga unë për asnjë çast.
Tani ndodhëm në shtëpinë time duke u rehabilituar pas sëmundjes, pasi që unë dhe familja ime që ishin me mua pas testimit kemi rezultuar me test negativ dhe nuk paraqesim rrezik për të tjerët.
Falënderoj përzemërsisht të gjithë ata kolegë, miq, pacient që patën shqetësime për shëndetin tim.
Do të rrugtojmë tutje së bashku sepse kemi ende shumë punë për të bërë !
I juaj Prof. Shefqet Lulaj /InLajmi/
