Një familje shtatë anëtarësh mbeti e bllokuar në fshatin Zabel të Drenasit pasi që ura nëpër të cilën kalonin është përmbytur nga reshjet e mëdha të shiut
Por kryefamiljari Fadil Saliuki, tha për Ekonomia Online, se tashmë komuna i ka dalë në ndihmë, duke treguar edhe se dëmet janë vetëm jashtë shtëpisë.
“Kemi pasur probleme prej vërshimeve. Këtu urën e kam pasur të mbaruar, ma ka rrëzuar, ma ka hequr dhe sot e kam rregullu këtë, sepse dje nuk ka pasur shanse me dalë këndej. Jemi 7 anëtarë të familjes dhe për ushqim veç çka na ka qëlluar dje këtu, sepse nuk kemi mundur me dalë. Mbrëmë e kam thirrur kryetarin, sot na ka dalë në ndihmë menjëherë. Dëme nuk kemi brenda në shtëpi, vetëm jashtë për me hy e me dalë. Kërkesa jonë është me ndërtu një urë që mos mu blloku e me mbetë brenda. Për urën nuk kemi pasur bisedë ende”, tregoi banori.
