Ka votuar kryetari i LDK-së, njëherit kandidati për Kryeministër, Lumir Abdixhiku i cili pas votimit tha se kjo ditë e zgjedhjeve është dita më e rëndësishme e demokracisë,
Mirëpo aty Abdixhiku u ka bërë thirrje qytetarëve që të votojnë për një zhvillim dhe stabilitet dhe jo për një bllokadë e përçarje që sipas tij e përcjelli vendet për gjatë viteve të fundit, raporton E.O.
“Më lejoni t’iu uroj në këtë ditë ku vendimmarrja i kthehet sovranit qytetarit, është ditë e mirë, e mbarë dhe të shpresojmë që në vazhdimësi gjithë procesi i votimit do të shkojë mbarë e mirë. Uroj që qytetarët e Kosovës në këtë ditë të rëndësishme që përcakton fatin e katër viteve të ardhshme, të zgjedhin për zhvillim, stabilitet, të ardhme euroatlantike e të largohen nga zymtësia, bllokada e përçarja që na ka shoqëruar në këto vite”, tha Abdixhiku, pas votimit i cili ishte i shoqëruar edhe nga bashkëshortja e tij.
