Mbrëmë në “Zone Club” në Prishtinë u shënua një moment i veçantë, teksa dyshja legjendare e grupit Skillz, Ledri Vula dhe Skivi, u ngjitën sërish në skenë pas një ndarjeje që zgjati plot 13 vjet.
Performanca e tyre e shumëpritur solli një valë të jashtëzakonshme nostalgjie për të gjithë fansat që janë rritur me hitet e Skillz.
Nuk kaloi shumë dhe pamjet nga kjo performancë filluan të qarkullonin me shpejtësi marramendëse në të gjitha platformat sociale.
Klipet që shfaqin Ledrin dhe Skivin duke performuar sërish krah për krah, për herë të parë pas më shumë se një dekade, kanë lumturuar pa masë fansat e tyre besnikë.
Mijëra reagime dhe komente janë shprehur për këtë ribashkim, duke e konsideruar si një moment që është pritur shumë gjatë nga fansat.
Kjo performancë e mbrëmshme e tyre në skenë, tregon se dyshja e dikurshme nuk i ka humbur fare harmoninë dhe energjinë që i bëri të njohur në fillim të viteve 2000.
