Sot, më 18 nëntor 2025, në varrezat e fshatit Brrut të Opojës, përkundër shiut të pandalur, nga qindra qytetarë, miq, bashkëpunëtorë dhe ish nxënës, iu dha lamtumira e fundit, pishtarit të arsimit, shkrimtarit, poetit, piktorit dhe veprimtarit të palodhur – Ibrahim Skenderit, i cili papritmas ndërroi jetë dje, në moshën 77 vjeçare.
I lindur në Brrut më 1 dhjetor 1948, Ibrahim Skenderi ia kushtoi tërë jetën arsimimit, kulturës dhe fëmijëve të këtij vendi. I ndjeri është autor i dhjetra librave, me tregime poezi dhe drama për fëmijë. Ishte pjesmarrës i shumë ekspozitave personsle e kolektive lë artit figurativ, në vend dhe jashtë, dhe autor i afro 70 ballinave të librave të autorëve të ndryshëm. Poashtu Ibrahim Skenderi, la gjurmë edhe si skenograf i dhjetra shfaqjeve teatrore në komunën e Sharrit si ilustrues dhe si autor i tre monografive me rëndësi për historinë tonë arsimore e lokale.
Fjalimin mortor në ceremoninë e varrimit, e mbajti gazetsri dhe krijuesi opojar, Demir Reshiti, mik dhe bashkëpunëtor i ngusht i të ndjeritt, i cili ndër të tjera tha; “Kontributi i tij në letërsi, në artin figurativ dhe në kulturën tonë është aq i madh sa edhe modestia e tij. Ibrahimi nuk ishte vetëm ish-arsimtar, jo vetëm koleg i penës, por ishte një mik i vërtetë – frymëzim i heshtur, njeri që të ngrinte moralin me një fjalë të vetme, që të dëgjonte me zemër.
Ndaj sot, dhimbja ime nuk është vetëm për humbjen e një krijuesi, por të një njeriu të afërt me të cilin ndamë ëndrra, punë e ideal. Ai do të mbetet ndër ne. Në raftet e librarive, në bibliotekat e shkollave, në duart e fëmijëve, në fjalët që ai shkroi dhe që ne do t’i lexojmë e rilexojmë.
Në maj të vitit 2021, redaksia e InLajmit, realizoi një emision prej 40 minutash, për jetën dhe veprimtarinë e Ibrahim Skenderit./InLajmi/
