Shkruan: Blerim Valla Festivali hapet me ngjarjen më të madhe kulturore të këtij viti në Kosovë, me koncertin premierë “Një Za, një Shpirt”, të sopranos shqiptare me famë botërore Ermonela Jaho.
Për tri javë ditë qyteti i Gjakovës do të jetë epiqendra e kulturës shqiptare, pasi që gjatë kësaj kohe në qytetin e kulturës, trashëgimisë, historisë e traditës – në Gjakovë nis edicionit i II-të i festivalit të kulturës shqiptare “Ditët e Nëntorit” i organizuar nga Fondacioni për Gjakovën.
Festival i cili është vazhdimësi i festivalit “Ditët e Shqiptarit” i cili vjet e edhe këtë verë që shkoi pati bërë jehonë të madhe në qarqet kulturore shqiptare dhe jo vetëm. Edicioni i dytë sjell tri javë të pasura me muzikë, shfaqje, panair librash e takime me autor të shumtë, panele debatesh dhe koncerte të trashëgimisë dhe krijimtarisë shqiptare por edhe shpërfaqje të kulinarisë shqptare dhe asaj gjakovare.
Drejtuesi i bordit të Fondacionit për Gjakovën, dhe organizatori kryesor i festivaleve, Ermal Hasimja, i cili është edhe vet me origiinë nga Gjakova, tregon se i gjithë programi i festivalit të sivjetëm ka për qëillim të tèrheqë vëmendjen e publikut të gjërë drejt qytetit të Gjakovës që ka ruajtur mè shumě se cilido tjeter kulturēn dhe traditat muzikore shqiptare. Hasimja ka thënë se nëntori i këtij viti në Gjakovë do të jetë më i nxehtë se zakonisht, me shumë aktivitete multikulturore me vlera të larta artistike.
Duke veçuar pos tjerash sidomos koncertin premierë dhe tejet të veçant e special, të sopranos numër 1 sot në botë – Ermonela Jahos, në hapje të festivalit “Ditët e Nëntorit”, padyshim ngjarje e rrallë dhe e paparë deri më tani në hapësirën shqiptate Kosovë. Biletat për të cilin koncert unik të pëgatitur nga diva e operës botërore , tashmë veç janë shitur. Krenaria botërore shqiptare Ermonela Jaho vjen në Gjakovë më 15 nëntor për një shfaqje krejt ndryshe nga të mëparshmet. Sopranoja numër 1 sot në botë, fituese e gjithë çmimeve prestigjioze të muzikës lirike, Ermonela Jaho sjell në Gjakovë një shfaqje premierë të përgatitur prej muajsh. Ky koncert vjen pas vizitēs së saj në Gjakovë korrikun e shkuar si mysafire speciale e ftuar e festivalit të dytë “Ditët e Shqiptarit. Ajo në Gjakovë do të interpretoj shumë nga ariet më të njohura botërore të ndërlidhura me gjuhën universale të muzikës të përshtatura me atë shqiptare.
“Pos koncertit premierë të sopranos shqiptare me famë botërore Ermonela Jaho, “Ditët e Nëntorit” vijnë në Gjakovë edhe me shumë koncerte të tjera si ato – për herë të parë me muzikë arvanitase e arbëreshe, pastaj koncerte me muzikën qytetare tiranase, dhe një befasi rocku shqiptar. Pos koncerteve do të ketë edhe takime me autorë shqiptarë, panair librash me shtëpitë botuese kryesore shqiptare, panele diskutimi për historinë, letërsinë, trashëgiminë dhe për aktualitetin shqiptarë. Dhe pas këtyre shfaqjeve nata vazhdon deri në agim me muzikë të vjetër shqiptare – gjakovate dhe gatime tradicionale gjakovare, ka thënë Hasimja para fillimit të festivalit “Ditët e Nëntorit”.
Kurse sipas muzicientes Jeta Gërqari, kordinatore e Fondacionit për Gjakovën, Festivali “Ditët e Nëntorit”, hap siparin e vet këtë vit në Gjakovë, në edicionin e II – të me siç u tha – me një mega koncert të titulluar “Një zë, një shpirt”! të sopranos shqiptare me famë botërore, Ermonela Jaho e shoqëruar nga orkestra e Teatrit Kombëtar të Operas dhe Baletit të Tiranës, udhëhequr nga nje dirigjent i njohur spanjoll. Ky koncert-premierë do të mbahet më 15 nëntor në Pallatin e Kulturës në Gjakovë.
Aktivitetet të tjera të shumta do të shtrihen gjatë gjithë muajit të nëntorit. Kështu pos koncertit të E. Jahos më 15 nëntor, më 21 nëntor Petrit Çarkaxhia prezanton për herë të parë, projektin e tij solo me që rast do të këndojë këngët nga albumi i tij “Natë e gjatë”. Më pas me 22 nëntor do të jetë koncerti me muzikë qytetare tiranase me grupin e njohur “Tirona All Stars”, dhe me një befasi të muzikës rock shqiptare.
Më 27 nëntor, një grup nga Greqia sjell për herë të parë tingujt e harruar tè kèngève arvanitase në krye me këngëtaren Eleni Kristu. Pas tyre këngëtarja arbëreshe Anna Stratigo me grupin e saj te grave prezanton para publikut këngët e bukura arbëreshe. Në skene do të ngjiten edhe dy ansamblet kryesore të këngëve dhe valleve popullore, si ai Kosovës – “Shota” dhe ai i shqiptarëve të Maqedonisë së Veriut. Pèrveç kèsaj do të ketë panele diskutimi e debatesh për kulturën, letërsinë, historinë dhe aktualitetin me shumë emra të njohur intelektualësh, shkrimtarësh e gazetarësh si Artan Fuga, Veton Surroi, Jusuf Buxhovi, Erald Kapri Shkelzen Gashi, etj do të flasin për tema të rëndësishme aktuale përpara publikut.
Ndërsa në datat 27-30 nëntor Çarshia e Vjetër e Gjakovës, më e madhja dhe më e gjata në Ballkan, do të shndërrohet në një panair shumë të veçanté libri. Shumë shtëpi botuese të njohura shqiptare pjesëmarrëse do të prezantojnë librat e tyre në shumë nga lokalet e Çarshisë e ku lexuesit do të mund të diskutojne me autorët e tyre të preferuar” përfundon znj. Gërqari . Thënë shkurt me të gjitha këto aktivitete multikulturore nga datat 15 deri më 29 nëntor të këtij viti, në festimin e Ditës së Flamurit , të gjitha rrugët të qojnë në Gjakovë, në edicionin e II – të të Festivalit të Kulturës Shqiptare, “Ditët e Nëntorit” !
librat e tyre në shumë nga lokalet e Çarshisë e ku lexuesit do të mund të diskutojne me autorët e tyre të preferuar” përfundon znj. Gërqari . Thënë shkurt me të gjitha këto aktivitete multikulturore nga datat 15 deri më 29 nëntor, të gjitha rrugët të qojnë në Gjakovë, në edicionin e II – të të Festivalit të Kulturës Shqiptare, “Ditët e Nentorit”.
