Aktori i njohur Fatos Kryeziu ka bërë “lëmsh” rrjetin me një fotografi të publikuar në Instagram.
Ai ka mbledhur dy kolegët nga kasti i serialit Kafeneja Jonë: aktoren e njohur Teuta Krasniqi dhe producentin dhe aktorin e njohur Shkumbin Istrefi.
Jo vetëm kaq, ai gjithashtu ka etiketuar profilin zyrtar të serialit Kafeneja Jonë, duke ngjallur shumë kuriozitet dhe pikëpyetje te fansat.
Foto: Fatos Kryeziu / Instagram
Me këtë postim, shumë fansa aludojnë se mund të ketë një rikthim të serialit ikonik, shkruan Telegrafi.com
Kafeneja Jonë ka qenë një ndër serialet më të dashur dhe të pëlqyer, i cili ka fituar zemrat e të gjithëve. Dita e preferuar e shumë spektatorëve për ta ndjekur serialin ka qenë e hëna, pasi për shumë prej tyre kanali ishte i rezervuar për shikimin e tij.
