Një ish-lojtar i Manchester United po tërheq interes nga “Djajtë e Kuq”, pavarësisht se u largua nga klubi për vetëm 9 milionë euro gjatë periudhës së Erik Ten Hag.
Një vit pas shkarkimit të Ten Hag nga United, disa prej afrimeve që ai bëri janë larguar tashmë, përfshirë portierin Andre Onana, Rasmus Hojlund dhe Antony.
Ndërkohë, Mason Mount ende nuk ka arritur të gjejë formën e tij në klub, ndërsa Casemiro dhe Lisandro Martinez konsiderohen ndoshta si përforcimet më të qëlluara.
Christian Eriksen dhe Jonny Evans, të cilët gjithashtu u bashkuan me United nën drejtimin e Ten Hag, u liruan pas përfundimit të kontratave të tyre në fund të sezonit 2024/2025.
Pas ardhjes së Ten Hag në verën e vitit 2022, disa lojtarë u larguan, përfshirë edhe Cristiano Ronaldon, por një largim më pak i bujshëm ngjalli diskutime në mesin e tifozëve më të apasionuar të klubit në atë kohë.
Pas publikimit të disa pamjeve ku trajneri holandez jepte këshilla për mesfushorin James Garner, pati spekulime se ai mund të ishte pjesë e planeve të Ten Hag.
Megjithatë, Garner nënshkroi për rivalët Everton, atë verë për një shumë të raportuar prej 9 milionë euro.
Që prej atëherë, ai ka bërë 93 paraqitje për Evertonin, duke treguar paraqitje të mira, madje edhe kur është aktivizuar jashtë pozicionit të tij natyral si mbrojtës i djathtë.
Por a mund të rikthehet ai në “Old Trafford”?
SipasUnited in Focus, klubi po “shqyrton kushtet” për një rikthim të mundshëm të tij, me kontratën e Garner te Everton që skadon në verën e vitit 2026.
“United janë të vetëdijshëm për situatën e James Garner, ata gjithmonë i mbajnë nën vëzhgim lojtarët e dalë nga akademia, dhe ai po luan veçanërisht mirë. Më është thënë se ka rezultuar pozitivisht në raportet e departamentit të rekrutimit”, ka thënë eksperti Graeme Bailey.
