Altin Krasniqi, deputeti i Partisë Demokratike të Kosovës (PDK), i cili është edhe i biri i ish-kryekuvendarit Jakup Krasniqi, është deklaruar lidhur me mbështetjen financiare të personave të akuzuar në Dhomat e Specializuara.
Krasniqi ka thënë se qeveria në detyrë s’po bën asgjë përveç përmbushjes së detyrës ligjore,
“Ligji për mbrojtjen juridike dhe mbështetjen financiare të personave të akuzuar potencial në proceset gjyqësore pranë Dhomave të Specializuara është miratuar më 3 gusht 2015 dhe është shpallur me Dekret Presidencial nga Presidentja e atëhershme, Atifete Jahjaga, më 20 gusht 2015, shkruan Insajderi.
Prandaj, është e qartë se Qeveria në largim, bashkë me Ministrinë e Drejtësisë, nuk po bën asgjë më shumë se detyrën ligjore që i takon. Çdo përpjekje për ta paraqitur këtë si ndonjë akt vullneti politik apo si ndihmë të veçantë, është manipulim i qëllimshëm i opinionit publik dhe përpjekje për të mbuluar dështimet reale të qeverisjes”, thotë Krasniqi.
