Rreth orës 08:30, në rrugën “Bedri Bajrami” në Podujevë është gjetur një person pa shenja jete.
Vdekjen e viktimës, një mashkull, e ka konstatuar ekipi mjekësor në vendngjarje.
Për Telegrafin, zëdhënësja e Policisë së Kosovës, Flora Ahmeti, konfirmoi se policia në koordinim me prokurorin e shtetit ka nisur hetimet lidhur me këtë rast.
“Rreth orës 08:30, kemi pranuar informatën se një person pa shenja jete në rrugën “Bedri Bajrami” në Podujevë. Vdekjen e viktimës (mashkull) e ka konstatuar ekipi mjekësor në vendngjarje. Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rrethanave të rastit”, konfirmoi Ahmeti.
Ahmeti tha se po vazhdojnë të ndërmarrin të gjitha veprimet hetimore dhe ekzaminimet e nevojshme për të sqaruar rrethanat e vdekjes.
