Yll Limani festoi 31-vjetorin e tij me një surprizë të veçantë, të përgatitur nga njerëzit më të afërt dhe miqtë e tij të zemrës.
Artistit iu organizua një darkë intime, e cila u mbajt fshehurazi, duke bërë që çdo detaj të ishte një surprizë e vërtetë për të.
Kur Limani hyri në ambient, u ndal dhe mbeti i habitur nga turma e njerëzve që e prisnin me buzëqeshje dhe përqafime, një moment që e la atë plotësisht të befasuar.
@360_media Happy Birthday @Yll Limani ❤️ #ylllimani #shqip #fyp
Atmosfera e ngrohtë dhe emocionet e sinqerta e bënë këtë përvjetor të veçantë dhe të paharrueshëm.
Momenti u kap me kamera dhe videoja u shpërnda në rrjete sociale, duke u bërë menjëherë virale.
Gjatë mbrëmjes, ishte e qartë lidhja e fortë që artisti ka me rrethin e tij më të ngushtë, përcjell Telegrafi.
I njëjti po vazhdon të jetë një nga emrat më të pëlqyer të skenës, me hite të shumta, e po ashtu ndër më të kërkuarit nëpër koncerte.
