Vajza e rreshterit Afrim Bunjaku, i vrarë gjatë sulmit terrorist në Banjskë më 24 shtator 2023, ka emocionuar me dedikimin për të.
Përmes një fotografie të babait të saj në uniformë të cilën e ka ndarë në Instagram, Arbenita Bunjaku shkroi fjalë të ndjera për heroin e Kosovës.
“Dy vite dhimbje, boshllëk e lot. Çdo ditë më mungon zëri yt, këshillat e tua, përqafimi yt. Por bashkë me dhimbjen jeton edhe krenaria ime, sepse ti ishte njeri i fortë, i drejtë dhe babai më i mirë që një bijë mund ta kishte. Kujtimi yt nuk shuhet kurrë – ti jeton përherë në zemrën time dhe në zemrat tona”, ka shkruar e bija e rreshterit, njofton Klankosova.tv.
Afrim Bunjaku u kujtua sot edhe nga krerët shtetëror, politikanë të shumtë, kolegët dhe miqtë e tij.
