Aktori i njohur shqiptar, Enver Petrovci, ka ndërruar jetë dje në moshën 71-vjeçare, duke lënë pas një trashëgimi të pasur artistike në teatër, film dhe televizion.
Lajmi është konfirmuar nga Teatri Kombëtar i Kosovës, i cili ka njoftuar edhe për aktivitetet që do të zhvillohen sot në nderim të Petrovcit
Sipas njoftimit, homazhet për aktorin do të mbahen sot, nga ora 13:30 deri në 15:30, ndërsa në orën 15:30 do të zhvillohet mbledhja komemorative.
Ceremonia e varrimit pritet të bëhet po ashtu sot, duke filluar nga ora 17:00, në varrezat e qytetit të Prishtinës, , transmeton KultPlus.
Petrovci ishte një nga figurat më të shquara të artit skenik shqiptar, i cili u bë i njohur për interpretimet e tij të fuqishme dhe përkushtimin ndaj kulturës.
