Ish-këshilltari i Wesley Clark, John Stewart Duncan, po dëshmon sërish para Dhomave të Specializuara të Hagës.
Gjatë seancës, prokurori i ka treguar Duncan-it një fotografi nga viti 1999 dhe e ka pyetur nëse e njeh personin në qendër të imazhit.
Duncan ka thënë se nuk e di emrin, por e di se kush është.
“Nuk e di emrin e tij, por e di kush është.Siç kujtoj unë, është një nga njerëzit me funksione të larta në funksionimin policor dhe të zbulimit.
Ai ka shtuar se, sipas kujtesës së tij, personi është një nga njerëzit me funksione të larta në strukturat policore dhe të zbulimit të UÇK-së.
Kur është pyetur si e di këtë, Duncan është përgjigjur se nuk mund ta tregojë.
Ndërkohë i pyetur nëse ka arsye për ta kundërshtuar nëse është Kadri Veseli në fotografi, ish-diplomati britanik tha se nuk ka arsye.
Ai është pyetur po ashtu nëse e njeh Xhavitin Halitin të shfaqur në imazh.
Për këtë, Duncan ka kërkuar që seanca të kalojë në private pasiqë nuk ka pranuar që të përgjigjet në seancë publike, përcjell Gazeta Blic.
“Kërkoj që të kaloj në seancë private për këtë pjesë, nuk e kam të qartë nëse mund të përgjigjem publikisht”, ka thënë Duncan.
