Shkëndija e ka mposhtur gjigantin bullgar, Ludogoretsin në ndeshjen e parë të play-offit në kuadër të Europa League.
Skuadra tetovare fitoi me përmbysje të rezultatit, pasi bullgarët ishin të parët që avancuan me golin e Duarte në minutën e 17-të.
Por, baraspeshën në fushë e vuri Liridon Latifi me një super gol në minutën e 35-të të ndeshjes,
Pas një ore lojë, Latifi asistoi për Ibraimin, i cili ia dha epërsinë Shkëndijës për herë të parë në ndeshje e që doli të ishte edhe rezultati përfundimtar.
Pas një jave, Shkëndija në Bullgari do të tentojë që ta marrë së paku një barazim në mënyrë që t’i sigurojë grupet e Europa League, njofton Klankosova.tv.
Në anën tjetër, Dinamo Tirana humbi me rezultat 3-0 në Poloni nga Jagiellonia, teksa mrekullinë do të tentojë ta bëjë në Shqipëri për kalimin në fazën e grupeve të Conference League.
