Gjenerali Sir Richard Shirreff, ish-zëvendëskomandant suprem i forcave aleate të NATO-s, i cili nuk mbeti i impresionuar nga rezultatet e samitit Trump-Putin, thotë se SHBA-të do të kishin qenë “plotësisht brenda të drejtave të tyre” për të arrestuar Vladimir Putinin kur ai të zbarkonte në Alaska, “ta vishnin me një kostum portokalli dhe ta dërgonin në Hagë me pranga”.
Në vend të kësaj, ai thotë se amerikanët shtruan tapetin e kuq për udhëheqësin rus pavarësisht se Putini nuk bëri “asgjë në asnjë mënyrë apo formë” për t’i dhënë fund luftës në Ukrainë.
Ai thotë se “e vetmja mënyrë” që Ukraina të marrë ndonjë garanci për të ndaluar Rusinë të arrijë qëllimin e saj për të vazhduar luftën është anëtarësimi në NATO, shkruan Reuters, transmeton Klankosova.tv
“A do ta pranojë Putini këtë? Jo. Asnjë mundësi. S’ka shans. E vetmja mënyrë që Putini do ta pranojë këtë është nëse detyrohet ta pranojë”, thotë ai, tranmeton Klankosova.tv
“Kjo do të thotë që Rusia duhet të shkatërrohet dhe duhet të mposhtet. Kjo është rreth një milion milje larg për momentin. Kështu që nuk shoh asnjë perspektivë që kjo gjë të marrë fund”.
