Shije e përkryer e cila nuk duhet ta lini pa provuar! Byrekun me kungull vendi ynë e ka pjesë të traditës së gatimit, por AgroWeb.org ju tregon një mënyrë të re të përgatitjes së tij plot shije.
Kjo recetë nuk kërkon përdorimin e petëve, duke e bërë pjatën pak më të lehtë e të shëndetshme për ata që duan të ruajnë peshën e tyre.
Nëse nuk e preferoni të ëmbël mjafton që të mos shtoni sheqerin gjatë pgatitjes e ta zëvendësoni me pak kripë apo djathë të bardhë.
Ju premtojmë që këtë byrek kanë për ta pëlqyer që të gjithë në familjen tuaj e do të kthehet në një nga recetat e preferuara!
PËRBËRËSIT
1 kg kungull të verdhë
2 filxhanë kafeje me oriz
2 filxhanë kafeje me sheqer
pak kripë
500 ml qumësht,
pak miell për tepsinë
pak vaj
PËRGATITJA
Grijmë kungujt në rende, shtojmë përbërësit e tjerë dhe pak vaj.
I përziejm të gjithë përbërësit përveç miellit dhe i shtypim pak.
Lyejmë tepsinë me pak vaj, e mbulojmë mirë me miell, hedhim mbushjen nga lart, prapë i shtojmë miell sa të mbulohen kungujt.
E fusim në furrë derisa të marrë ngjyrë, më pas i shtojmë qumështin dhe e lemë të mpikset, Bëjeni dhe do më kujtoni. Ju bëftë mirë
