Angelina Jolie po rikthehet në zhanrin aksion-thriller! Ajo do të bashkojë forcat me regjisorin Doug Liman, pas suksesit të jashtëzakonshëm në filmin “Mr. and Mrs. Smith” (2005), ku ajo u njoh me Brad Pitt, ish-bashkëshortin e saj.
Filmi i ardhshëm do të shkruhet nga F. Scott Frazier dhe do të prodhohet nga Joe Roth dhe Jeff Kirschenbaum, të cilët kanë një histori bashkëpunimi me Angelina Jolie edhe si producentë të filmave “Maleficent”. Filmi përshkruhet si një version i ri i “Training Day”, i cili na dërgon në botën e spiunazhit dhe Angie, sigurisht do jetë në rolin e spiunes.
Që nga “Maleficent 2” (2019), Angelina e ka zgjeruar karrierën e saj në filmat aksion me pjesëmarrjen në universin kinematografik Marvel në filmin “Eternals” (2021) dhe me rikthimin në ekranin e madh në vitin 2024 në filmin biografik “Maria”, që tregon jetën e Maria Callas. Më herët këtë vit, ajo erdhi në rolin e regjisores në një film dramë, “Without Blood”, ku në rolet kryesore janë Salma Hayek dhe Demián Bichir, shkruan Revista Anabel.
Doug Liman, 60 vjeç, po bashkëpunon gjithashtu me yjet e aksionit Tom Cruise dhe Ana de Armas në filmin e ardhshëm “Deeper”, një thriller në oqean, që filloi me xhirimet këtë muaj. Doug dhe Tom, të cilët kanë punuar së bashku në “Edge of Tomorrow” (2014) dhe “American Made” (2017), po bashkëpunojnë gjithashtu në një projekt me regjisorin e “Mission: Impossible”, Christopher McQuarrie.
