Skuadra e Dritës është në prag të testit për të shkruar histori në arenën ndërkombëtare. Pikërisht për këtë, trajneri Zekirija Ramadani tregoi objektivin që kanë ndaj Steuas së Bukureshtit.
“Gjithmonë me respekt për kundërshtarin në fushë, e dimë çfarë kualiteti, por ne do të japim maksimumin, për të arritur qëllim, ajo është kualifikimi në playoff të Ligës së Evropës”, është shprehur Ramadani në konferencën për shtyp.
Meqë është ndeshja e kthimit, e të parën e humbën 3-2, Besnik Krasniqi ka folur edhe për një skenar tjetër.
“Pas ndeshjes jemi të mërzitur, kemi pranuar tre gola të lehta, kemi biseduar se nuk duhet të pranohen ato, për sa i përket penaltive deri në 90 minuta nuk do të kemi penalti”, ka thënë Krasniqi.
Përndryshe, Drita nesër do të përballet me Steuan e Bukureshtit në kuadër të rrethit të tretë kualifikues në Ligën e Evropës. Nëse shkon në playoff do të jetë hera e parë që do të luajë në këtë fazë, ku do të mund të përballet me Aberden.
