Nëse nuk e imagjinon dot ditën pa muzikë në sfond, truri yt mund të jetë duke të të dërguar një mesazh. E dimë, secili ka zakonet e veta: disa duan muzikë ndërsa punojnë apo stërviten, të tjerët duan qetësi absolute për t’u fokusuar. Por a e dinit se dëshira për muzikë gjatë çdo aktiviteti mund të jetë një tregues për trurin tuaj?
Një studim i fundit zbuloi se ata që dëgjojnë muzikë në sfond më shpesh,kanë më shumë shanse të kenë ADHD(çrregullimi i hiperaktivitetit dhe mungesës së vëmendjes). Studiuesit i dhanë një grupi të rinjsh mes 17 dhe 30 vjeç një pyetësoronlinepër të parë lidhjen mes muzikës në sfond dhe simptomave të ADHD-së.
Rezultati? Të rinjtë me ADHD dëgjojnë muzikë jo vetëm gjatë punës apo studimit, por edhe gjatë ushtrimeve apo aktiviteteve të tjera, pavarësisht nëse kërkojnë fokus të madh apo jo. Madje ata preferojnë muzikë stimuluese, që i mban “në lëvizje”.
ë fakt, pothuajse të gjithë e përdorin muzikën si shoqëruese të detyrave të ndryshme, por ata me ADHD e kanë më të nevojshme këtë sfond muzikor. Studiuesit thonë se kjo tregon që muzika ndihmon trurin e tyre të qëndrojë më i fokusuar.
Nëse je rritur pa diagnozë për ADHD dhe tani e kupton që gjithmonë dëgjon muzikë në sfond, mos e nënvlerëso këtë informacion. Ka trajtime që funksionojnë, nga medikamentet që e ndihmojnë trurin të përqendrohet, tek terapia dhe mbështetja e duhur.
Nëse dyshon se ky rast mund të jetë i vërtetë për ty, mos hezito të flasësh me një specialist. Mund të habitesh sa shumë përmirësohen gjërat!
