Presidentja e Kosovës, Vjosa Osmani, ka inkurajuar deputetët e Kuvendit që t’i drejtohen Gjykatës Kushtetuese për çështjet që mbesin të paqarta pas vendimeve për rastet e ngritura nga PDK dhe LDK,
Gjatë një konference për media, Osmani theksoi se kjo duhet bërë me shpresën që nuk do të caktohet i njëjti gjyqtar raportues për një çështje kaq të ndjeshme.
“Unë dua t’i inkurajojë deputetët e Republikës së Kosovës, të cilët kanë mandat të plotë që t’i adresohen Gjykatës Kushtetuese, që pasi të publikohen vendimet në dy rastet e iniciuara nga partitë PDK dhe LDK, për çështjet që mbesin të pasqaruara dhe pas atij aktgjykimi që t’i adresohen drejtpërdrejt Gjykatës Kushtetuese, nën shpresën që nuk do të caktohet i njëjti gjyqtar raportues.
Ajo shtoi se nuk do ta inkurajonte asnjë institucion të linte rastin në Kushtetuese nëse nuk sqarohen të gjitha rrethanat lidhur me përzgjedhjen e gjyqtarit raportues, raporton E.O.
“Unë nuk do ta inkurajoja asnjë asnjë institucion që ta linte lëndën në Gjykatën Kushtetuese, në qoftëse gjyqtar raportues, për temë kaq sensitive është fjala, vendoset ky gjyqtar, së paku derisa të sqarohet përfundimisht nga institucionet tona të drejtësisë”, u shpreh ajo.
