Kuvendi i Kosovës pritet të mbajë nesër seancën e radhës konstituive.
Kjo seancë është e fundit brenda afatit 30-ditor të vendosur nga Gjykata Kushtetuese.
Sot dështoi për të 52-tën herë të konstituohet ky institucion.
Por çfarë pritet të ndodhë nesër, në afatin e fundit, dhe a pritet ndonjë lëvizje pozitive ka folur për “Gazeta Bllic” deputeti i Partisë Demokratike të Kosovës, Ferat Shala.
Shala u shpreh se nuk pritet ndryshim nga shumica parlamentare e Lëvizjes Vetëvendosje.
Ai theksoi se ‘Albin Kurti është i interesuar që vendi të mos ketë institucione funksionale’.
“Bindja ime personale, nuk pres ndryshim nga shumica parlamentare e VV-së. Sepse ata gjegjësisht ai, Albin Kurti eshtë i interesuar që vendi mos të ketë institucione funksionale.Ai eshtë rritë njerëzisht e politikisht mbi kriza e dhunë, mbi bazën e trazirave e improvizimeve gjoja atdhetare dhe e verteta është fatkqësisht tjetër” tha Shala.
Shala renditi dëmet e mëdha që i aknë ndodhur vendit gjatë këtij 4-vjeçari dhe që po vazhdojnë t’i ndodhin duke filluar nga ekonomia e deri tek sanskionet e BE-së.
“Dëmi i madh i ka ndodh dhe po vazhdon ti ndodh vendit: Ekonomikisht pa ide e koncept zhvillimi, inflacioni në rritje, vendi nën sanksione të BE-së, ndërkombëtarisht kemi kolapsu në diplomaci, buxhetin e këtij viti po e shpenzon pa llogaridhenje” deklaroi ai.
Deputeti i PDK-së tha se ‘klani i tij politiko-financiar po forcohet me tendera një-burimor’ duke iu referuar kryeministrit në detyrë Kurti dhe se i njëjti do t’a vazhdojë këtë gjendje.
“Klani i tij politiko financiar po forcohet me tendera një burimor dhe tregëti te energjisë.Prandaj Albini don ta vazhdoj këte gjendje pa kontroll dhe institucione” tha deputeti i PDK-së, Ferat Shala
