Anne Hathaway po shkëlqen me zgjedhjet e guximshme në stil, ndërsa xhiron skenat e filmit “The Devil Wears Prada 2”, vazhdimin e shumëpritur që tashmë ka nisur prodhimin në rrugët e Neë York-ut.
Fituesja e çmimit Oscar është rikthyer në rolin e Andy Sachs dhe u fotografua në lagjen Chelsea të Manhatan-it gjatë xhirimeve. Filmi po realizohet gjithashtu në disa zona të tjera të Manhattan-it gjatë gjithë muajit.
Një rikthim pas gati dy dekadash
Filmi origjinal “The Devil Wears Prada”, i lansuar në vitin 2006, u kthye menjëherë në një hit ndërkombëtar, duke grumbulluar mbi 326 milionë dollarë dhe duke i sjellë Meryl Streep një nominim për Oscar në kategorinë “Aktorja më e mirë”. Historia u përqendrua te Andy Sachs (Hathaway), një gazetare aspirante që punësohet si asistente personale e Miranda Priestly (Streep), redaktores së pamëshirshme të revistës së modës “Runway”.
“Nuk jam e sigurt nëse mund të bëhet,” tha ajo atëherë. “Ai film i përkiste një epoke tjetër. Sot gjithçka është digjitale, ndërsa ai film kishte në qendër krijimin e diçkaje fizike. revistës. Gjërat kanë ndryshuar shumë.”
Rikthimi i kastit origjinal dhe shumë surpriza të reja
Krahas Hathaway, në “The Devil Wears Prada 2” rikthehen edhe yjet origjinalë: Meryl Streep, Emily Blunt dhe Stanley Tucci. Gjithashtu, Tracie Thoms (shoqja e Andy-t, Lily) dhe Tibor Feldman (drejtuesi i kompanisë mëmë të “Runway”) do të rishfaqen në rolet e tyre.
Pas kamerës rikthehen edhe regjisori David Frankel dhe skenaristja Aline Brosh McKenna, duke e kthyer projektin në një ribashkim të madh për ekipin e parë të filmit.
Çfarë do të sjellë vazhdimi?
Detajet e historisë mbahen ende të fshehta, por sipas burimeve, filmi ndjek Miranda Priestly teksa përballet me rënien e industrisë së shtypit dhe përpiqet të mbajë gjallë perandorinë e saj. Një sfidë e madhe për të vjen nga ish-asistentja e saj, personazhi i Emily Blunt, e cila tashmë kontrollon klientët që Miranda ka aq shumë nevojë t’i mbajë pranë.
