Vetëm 22 vjeç, por me pjekurinë dhe vendosmërinë e një veterani. Suhejb Berisha është emri, jo vetëm për talentin e tij të pastër, por edhe për mënyrën se si ai e përballon sfidën. Pasi kaloi një sezon të vështirë te FC Liria. Një kapitull i ri po fillon! Suhejb Berisha zyrtarisht pjesë e FC Suhareka! Në këtë vit ai pritet të shpërthejë dhe të tregojë vlerat e tij të vërteta në fushë!
Me një karakter të trashëguar nga legjenda e Prizrenit, Ismail Berisha – babai i tij – ai nuk e humbi besimin. Përkundrazi, punoi në heshtje, me përkushtim dhe pasion. Transferimi te FC Suhareka rezultoi një kthesë e artë. Dhe si ta kishte shkruar vetë fati, pikërisht kundër ish-skuadrës së tij, FC Liria, Suhejb Berisha shkëlqeu si lojtari më i mirë në fushë.
Ai nuk kishte nevojë për fjalë apo ankesa – përgjigjen e dha aty ku vlen më shumë: në fushën e blertë. Me një të ardhme premtuese përpara dhe rrënjë të thella në trashëgiminë futbollistike të qytetit të Prizrenit, Suhejb Berisha po ecën drejt një rruge që premton lavdi. Dhe ky është vetëm fillimi.
