Po, drama mbretërore vazhdon. Dhe këtë herë, sipas burimeve që kanë folur për mediat britanike, princ Harry është realisht i shqetësuar për të ardhmen e tij në momentin që vëllai i madh, princi William, të bëhet mbret. Fjala “banish” (dëbim total) është përdorur në kuptimin e parë, dhe po, është aq dramatike sa tingëllon.
Biografi mbretëror Tom Bower i ka thënë “The Mirror” se:
“Harry është seriozisht i shqetësuar se kur i ati të mos jetë më, William do ta përjashtojë nga Britania dhe ai nuk do të ketë asnjë status atje. Do të jetë person non grata.”
Dhe kjo nuk është thjesht paranojë. Sipas tij, Harry është “i dëshpëruar” për të rregulluar marrëdhënien me mbretin Charles, që të mund të provojë se është ende pjesë e familjes dhe të rikthejë një farë respekti në publikun britanik. Por ama, ka një problem, pallati nuk ia hap kaq lehtë derën.
Pse? Sepse dyshojnë që sapo të ndodhë ndonjë takim me mbretin, Harry do ta përdorë publikisht për të ndërtuar imazhin e tij. E thënë më thjesht, s’kanë besim tek ai. Tani vjen pjesa më interesante.
Një burim i afërt me William dhe Kate i ka thënë Daily Mail:
Pra, William dhe Kate nuk ishin të ftuar dhe nuk dëshironin të ishin pjesë e bisedimeve mes Harry-t dhe përfaqësuesve të mbretit Charles. Dhe kur mediat morën vesh për takimin “sekret”? Ata dyshuan se kjo nuk ishte një rrjedhje e rastësishme, por një lëvizje e Harry-t për të treguar publikisht se “ja, jam ende pjesë e familjes mbretërore”.
