Jose Mourinho ka shprehur dëshirën e tij për t’u rikthyer si trajner në Portugali, vendlindjen e tij, ndërsa është ende “në kulmin” e karrierës së tij.
Mourinho, 62 vjeç, ka edhe një vit të mbetur në kontratën e tij me gjigantët turq Fenerbahçe,
“Patjetër që do të kthehem në Portugali. Nuk ka ndodhur ende, por do të ndodhë”, tha Mourinho për Sport TV.
“Nuk është sepse ndiej se fundi im është afër, ndihem shumë larg tij. Nuk dua të vij në Portugali për një pension të artë ose për vitet e fundit të karrierës sime. Dua të vij në Portugali në kulmin e karrierës sime, me shëndet të mirë dhe të fortë fizikisht dhe mendërisht. Patjetër që do të kthehem”, shtoi Mourinho. transmeton GazetaBlic Sport.
Mourinho u largua nga Portugalia në verën e vitit 2004 për t’u bashkuar me Chelsean, menjëherë pasi udhëhoqi Porton drejt triumfit të Ligës së Kampionëve.
