Legjendat e rokut Scorpions, do të rikthehen në Shqipëri pas 24 vitesh për një super koncert që mbahet të dielën e 14 shtatorit në Tiranë, si pjesë e turit të tyre botëror “Coming Home”, që shënon një rrugëtim të jashtëzakonshëm 60-vjeçar në skenat më të mëdha të botës.
Ky koncert pritet të mbledhë mijëra fansa nga çdo cep i vendit dhe i rajonit, të bashkuar nga këngë që kanë qëndruar mbi kohën: “Wind of Change”, “Still Loving You”, “Rock You Like a Hurricane” dhe “Send Me an Angel”.
“Wind of Change” do të tingëllojë ndryshe këtë herë, pasi rok grupi i njohur do të performojë në Sheshin Skënderbej, duke filluar nga ora 21:00.
Në vitin 2001, Scorpions performuan për herë të parë në Tiranë, në stadiumin “Selman Stërmasi”, transmeton Klankosova.tv
