Presidenti rus, Vladimir Putin ka hedhur poshtë ultimatumin 50-ditor të presidentit amerikan, Donald Trumpit dhe kërcënimet me tarifa, duke sinjalizuar se Rusia ka ndërmend të përshkallëzojë luftën në Ukrainë në vend që të tërhiqet.
Sipas burimeve të afërta me Kremlinin, të cituara nga Reuters, Putini nuk ndikohet nga sanksionet dhe është i vendosur të luftojë deri sa Perëndimi të pranojë kushtet e tij – përfshirë njohjen e territoreve të pushtuara dhe kufizimin e ushtrisë ukrainase.
Me forcat ruse që tashmë kontrollojnë një të pestën e territorit të Ukrainës, ambiciet mund të rriten edhe më tej ndërsa fronti përparon.
Një burim paralajmëroi për një ofensivë të re të madhe në muajt në vijim, ndoshta me objektiva si Dnipro, Sumy apo Kharkivi, nëse mbrojtja e Ukrainës dobësohet.
Putini vazhdon të kërkojë që NATO të ndalojë zgjerimin dhe që Perëndimi të njohë ligjërisht triumfet territoriale, transmeton Telegrafi.com
“Ai beson se askush nuk ka folur seriozisht për paqen. Prandaj do të vazhdojë derisa të marrë atë që kërkon”, shtoi një burim.
