Lyerje me bojë supermarketi në banjë? Balluke të prera vetë në kuzhinë? Flokë të djegur nga piastra? Të gjithë kemi gabuar me flokët në një moment të jetës. Por, sipas stilistit të yjeve Dimitris Giannetos, disa nga dëmet më të mëdha nuk janë nga gabimet e ditura, por nga zakonet që përsërisim çdo ditë, pa menduar.
Giannetos është dora magjike pas pamjeve të Gigi Hadid, Amal Clooney, Cindy Crawford, madje edhe pjesës më të madhe të Kardashian-ëve. Ai e çoi Gigi-n nga flokët rozë në gri në pak javë, i dha Lindsay Lohan-it nuancën e biondes së qumështit të lajthisë dhe përgatiti Demi Moore-in për tapetin e kuq të Oscar-it. Pra, mund ta dëgjojmë pa frikë kur thotë “Ja çfarë po bëni gabim me flokët!”
1. Po e teproni me shampon e thatë (dhe me produktet në përgjithësi)
“E para gjë që i them klientëve është ndaloni së përdoruri aq shumë shampo të thatë,” thotë Giannetos. Përdorimi i tepërt bllokon poret në skalp, duke ndaluar rritjen e flokëve. Dhe nëse ndiheni sikur flokët janë gjithmonë pa volum, ndoshta janë thjesht të mbushura me produkte. “Më pak është më mirë,” shton ai.
2. Po i lani flokët shumë rrallë (ose shumë shpesh)
Sigurisht, gjithçka varet nga lloji i flokëve, flokët e hollë dhe të drejtë duan larje më të shpeshta, flokët kaçurrela dhe të trashë, më rrallë.
3. Po përdorni ujë të nxehtë, sidomos nëse keni flokë të lyer
E dimë që një dush i ngrohtë është gjithçka pas një dite të gjatë, por nëse keni flokë të lyer me ndonjë ngjyrë të guximshme, është një “jo” e madhe. “Uji i ngrohtë e zbërthen ngjyrën,” thotë Giannetos, sidomos te nuancat e kuqe që janë super të ndjeshme. Zgjidhja? Ujë i vakët dhe shampo për flokë të lyer.
4. Po besoni se ka një zgjidhje që i shkon të gjithëve për rritjen e flokëve
Minoxidili, pajisjet me dritë të kuqe, suplementet magjike, Giannetos thotë se ka një breshëri “zgjidhjesh” që njerëzit provojnë, por realiteti është se nuk funksionojnë për të gjithë. “Nëse doni rezultat real, bëni një vizitë te dermatologu. Vetëm ai/ajo mund të analizojë çfarë i duhet realisht flokëve tuaj.”
5. Po përdorni xhel për bishtat/ topuzët e kapur fort
Slick-backështë një nga stilimet më elegante dhe më të shpeshta në rrjete sociale. Por Giannetos paralajmëron të mos përdorni xhel. “Xheli është me bazë uji, kështu që flokët do të kthehen në strukturën e tyre natyrale shumë shpejt.” Zgjidhja më e mirë? Llaku i fortë. “Fillo në rrënjë me llak, krih flokët me furçë dhe pastaj formo stilin.”
