Kryetari i Aleancës për Shqiptarët, Arben Taravari, ka qenë i ftuar në “Pressing” të T7.
Ai doli nga Qeveria e Mickoski, dhe ka treguar disa prej pikave të marrëveshjes së nuk u realizua.
Taravari ka deklaruar se nuk është penduar sepse kishte besuar në koalicion.
“Fillimi i negociatave me Bashkimin Evropian, ne dolëm thamë që i kemi dhënë 6 muaj kohë kryeministrit për ndryshime kushte që është kusht për fillimin e negociatave. Kaluan 6 muaj jo që nuk i filluam negociatat, por jemi duke u larguar”.
“Pika që u morëm vesh ishte decentralizimi fiskal, komunat të marrin më shumë kompetencë ndërkohë propozohet ligj prej Qeverisë që është centralizëm më i madh. Ishte në kundërshtim me atë që e promovonin”.
“Një tjetër pikë ishte lufta kundër krimit dhe korrupsionit në këtë drejtim asgjë serioze nuk ndodhi”, ka thënë ai.
