Për nder të 249-vjetorit të Pavarësisë së Shteteve të Bashkuara të Amerikës, ndërtesa e Qeverisë së Republikës së Kosovës është ndriçuar me ngjyrat kuq, bardh dhe kaltër – simbol i flamurit amerikan.
Lajmi u bë i ditur nga Ambasada e Kosovës në Uashington, e cila përmes një postimi në rrjetin social X (ish-Twitter) theksoi se ky gjest paraqet “shenjë të mirënjohjes së thellë dhe miqësisë së palëkundur” mes dy vendeve, përcjell Indeks Online.
“Happy 4th of July!” thuhet në urimin e Ambasadës, teksa Kosova edhe këtë vit nderon aleatin e saj më të madh në përvjetorin e Pavarësisë së SHBA-së.
