Kryetari i LDK-së, Lumir Abdixhiku, pas takimit me presidenten Osmani, tha se presin ftesën për takim nga ajo , duke theksuar se LDK-ja mbështet aktgjykimin e Gjykatës Kushtetuese lidhur me mënyrën e votimit dhe krijimin e shumicës parlamentare, që sipas tij i takon partisë së parë që propozon qeverinë,
Abdixhiku nënvizoi nevojën për unitet dhe bashkëpunim politik për zgjidhjen e situatës dhe e cilësoi si të rëndësishëm përfshirjen e presidentes në proces.
“Ne mirëpresim ftesën e presidentes Osmani dhe përpjekjes së saj për takim. E dini qëndrimin tonë: ne kemi një aktgjykim të Gjykatës Kushtetutuese sa i përket mënyrës së votimit dhe thelbit të problemit. I takon partisë së parë që të propozojë dhe të krijojë shumicën parlamentare. Tani jemi para rregullave ligjore, sepse ka interpretim të Gjykatës së Kushtetutës që votimi është i hapur. Le të presim takime të tjera. Ftojmë për konsensus, për unitet. Aq shumë e duam unitetin, saqë kemi dalë edhe me propozim për qeverinë e unitetit. Le të bëjnë zgjidhje, kjo i duhet vendit tonë, duhet të kërkojmë shumicë politike, siç ka qenë. Ne kemi qëndrime politike dhe aktgjykimin e Gjykatës Kushtetuese. Nëse gjykata thotë qartë që të parit i takon propozimi dhe krijimi i shumicës, nuk kemi çfarë të themi më aty. Përfshirja e presidentes është e mirëseardhur. Kurti është duke qeverisur me rezultatet e para katër vjetëve. Nuk ka legjitimitet dhe moral politik. Si do të mbash një detyrë kur nuk të do populli ”, shtoi Abdixhiku, raporton E.O.
Ai kritikon Qeverinë Kurti duke vënë në dyshim legjitimitetin dhe moralin e saj politik.
“Deri më tani ne kemi pasur një procedurë dhe një praktikë paraprake, më pas kemi pasur një veprim arbitrar të më të moshuarit të Kuvendit, i cili pa pyetur askënd, pa respektuar asnjë procedurë ka vendosur një ditë pas shtatë seancave që të kalojë në votim të fshehur dhe kjo tani përbën edhe shkelje kushtetuese. ‘‘Këto janë qëndrime paraprake që e kanë shkaktuar krizën, s’janë kompromise. Pra nuk ka lëvizje prej pozicioneve që e kanë shkaktuar krizën deri më tani. Edhe atë ditë në takim, edhe sot para jush, po e them të njëjtën gjë, nuk mund ta quash kompromis insistimin në propozimin tënd paraprak., Kompromisi pas aktvendimit të Kushtetueses është i pakuptimit, tani duhet të zbatojmë aktgjykimin e Gjykatës Kushtetuese, përndryshe bëjmë shkelje të rënda ligjore. Dhe natyrisht LDK do t’i drejtohet edhe Kushtetueses në mënyre që ajo të qartësojë aktin e tanishëm. Pas aktgjykimit për bindjen tonë ka ndodhur një përmbysje e rendit kushtetues sepse partia e parë ka refuzuar të respektojë Gjykatën Kushtetuese”, u shpreh Abdixhiku.
