Jo gjithmonë fiton ai/ajo me tiparet e përsosura si nga Instagrami. Shkenca thotë se janë disa lëvizje të vogla flirtimi që të bëjnë më të dëshirueshme në sytë e tjetrit.
Psikologia Monica Moore thotë se ata që marrin më shumë vëmendje nuk janë domosdoshmërisht më të bukurit, por ata që dinë të bëjnë mbajnë kontaktin me sy dhe të qeshin si duhet. Ja cilat janë këto “lëvizje strategjike” që të bëjnë magnet njerëzor – dhe janë më të lehta sesa mendon.
1. Mbaj kontakt me sy
Më parë ke menduar se flirt do të thotë një prekje e lehtë në krah apo një buzëqeshje e turpshme. Gabim! Shkenca thotë që shikimi sy më sy, pa ndërprerje, për disa minuta, mund të nxisë ndjenja… po, edhe dashurie të zjarrtë.
2. Prek miqësisht, por me taktikë
Një prekje e lehtë në parakrah, ose në shpatull, mund të jetë më flirtuese se 200 mesazhe në Instagram. Ekspertët thonë se ka tre nivele: miqësore (në shpatull), e justifikueshme (parakrah ose beli) dhe “atomike” (prekje në fytyrë). Po arrite ta bësh këtë pa e trembur tjetrin, ti s’flirton, ti performon art.
3. Bëj pak të vështirën
E ke dëgjuar 100 herë dhe prapë funksionon: njerëzit duan atë që nuk e marrin dot lehtë. Tregohu e interesuar, por jo e disponueshme çdo sekondë. Jep pak, lër pak vend për imagjinatë. Me pak fjalë: bëji të ndiejnë sikur kanë zbuluar thesar kur të të “kenë”.
4. Fol me zë joshës
Zëri mund të të bëjë yll apo të të kthejë në shoqen e ngushtë të përjetshme. Kur je e interesuar, zëri bëhet më i butë, më i rrjedhshëm. Kur s’të pëlqen dikush… flet sikur po i tregon abonenë fatorinos së urbanit. Burrat për shembull s’ia dalin dhe aq me këtë taktikë – vajzat këtu kanë avantazh natyral. Dhe le të themi që, një “hej” e thënë siç duhet, bën më shumë punë se një paragraf me rima.
5. Kokën pak poshtë – por jo sikur po të rëndon qafa
Universiteti i Newcastle thotë se kur gratë e ulin pak kokën dhe shikojnë lart, duken më tërheqëse. Burrat nga ana tjetër, duhet ta mbajnë kokën pak pas, sikur të thonë “jam burrë që e di ç’dua”. Pa e ekzagjeruar, se nëse çon shumë poshtë, dukesh sikur do të shohësh tavanin.
6. Vishu me të kuqe – s’ka dështuar ndonjëherë
E kuqja është ajo ngjyra që ul tensionin, por rrit vëmendjen. Qoftë buzëkuq, fustan apo një aksesor, e kuqja është magjike. Disa studime thonë se gratë e zgjedhin të kuqen pa e kuptuar kur janë në humor për flirt (ose kur është ai simpatiku në afërsi). Kështu që herën tjetër që do dalësh, mendoje dy herë para se të zgjedhësh të zezën klasike.
7. Ji e drejtpërdrejtë
Edhe pse kjo varet nga personi në person, burrat duan gra që dinë ç’duan. Sipas studimeve, një “dua të pimë diçka” e thjeshtë ka shumë më tepër efekt se çdo varg me metafora. Ji vetvetja – me vetëbesim dhe pa shumë mundim.
