Si ndihesh kur sheh rrobat që ke aktualisht në dollap? Nëse nuk të japin ndjesinë “po, kjo jam unë!”, ndoshta është momenti për një rifreskim. Veshja që zgjedh jo vetëm ndikon te mënyra si ndihesh me veten, por edhe te mënyra si të percepton bota jashtë.
Nëse rrobat që vesh janë jashtë mode ose të bëjnë të dukesh më e madhe në moshë se ç’je realisht, atëherë po humbet mundësinë për të reflektuar versionin më të freskët të vetes. Nuk ka asgjë të keqe të ndjekësh trendet apo të eksperimentosh me stil më rinor – sekreti është ta bësh me vetëbesim.
Nëse do ta kthesh dollapin tënd në një burim energjie të mirë, ja disa nga gabimet që duhen shmangur menjëherë, sepse po të “plakin” në heshtje:
1. Getat e holla në ngjyrë mishi
Dikur ishin shumë të rëndësishme për gratë, sot janë sinonim i veshjeve që s’të falen më. Në vend të tyre, përdor një spray nxirës për këmbë ose thjesht zgjidh veshje që nuk kërkojnë domosdoshmërisht këto geta. Nëse duhet t’i veshësh, zgjidh versione me ngjyra të errëta ose me motive – të paktën duken më “2025”.
2. Kokë e këmbë në të zeza, pa asnjë pikë ngjyre
E dimë: e zeza është klasike, elegante dhe “dobëson”. Por nëse e kombinon vetëm me veten, rezultati është monoton dhe pa jetë. Bëje diferencën me një çantë të verdhë, një palë vathë të kuq ose një rrip që të tërheq vëmendjen – efekti është menjëherë më i freskët.
3. Vijat e të brendshmeve që duken
Ka më shumë lidhje me kujdesin ndaj detajeve sesa me moshën, por për ironi, zakonisht të rinjtë kujdesen më shumë. Çdo model që “zhduket” nën rroba është shpëtimi yt dhe jo anasjelltas.
4. Këpucët komode, por vizualisht “të frikshme”
Po, Crocs janë të rehatshme – por gjithashtu i kanë hyrë listës së “modës së diskutueshme”. Zgjidh në mënyrë të zgjuar, sidomos kur bëhet fjalë për evente apo dalje. Mund të ndihesh mirë, por sigurohu që edhe të dukesh po aq mirë.
5. Ngjyra pastel në tepricë
Ngjyrat pastel janë të ëmbla dhe plot jetë, por kur i vesh të gjitha bashkë, efekti është lodhës. Një pastel + një neutral = balancë perfekte.
6. Printet me lule të mëdha
Printet florale janë gjithmonë “në modë”, por detaji që bën diferencën është madhësia. Lule të mëdha = grua 60+. Zgjidh lule të vogla, më të rafinuara, ose zëvendësoji me printime kafshësh, gingham, e të tjerë.
7. Vija horizontale të trasha
Këto janë sinonimi i “më bëj të dukem më e gjerë dhe më e lodhur”. Për një efekt që të zgjat vizualisht, kaloni tek vija vertikale; që të bëjnë të dukesh më elegante.
8. Reçipeta që nuk të bëjnë më
Trupi yt ndryshon me kohën – nëse reçipeta jote s’të përkrah aty ku duhet, atëherë rrobat e tjera nuk kanë shans të duken bukur. Shko bëj një matje profesionale ose eksperimento vetë me madhësi derisa të ndihesh rehat dhe në formë.
9. Të gjitha rrobat e gjera njëkohësisht
Oversizedështëcool, por vetëm kur balancohet. Nëse ke një pulovër të madhe, kombinoje me xhinse të ngushta. Nëse ke pantallona të gjera, zgjidh një bluzë të ngushtë të thjeshtë. Mos e fshih trupin tënd, nxirre në pah me stil.
