I adhurojmë flokët e gjatë, duken shuuumë të bukura dhe mund t’i stilojmë në pafund mënyra. Por kur temperaturat rriten, stilimi i tyre kthehet në sfidë.
Nuk ka ndjesi më bezdisëse sesa flokët që ngjiten pas shpinës dhe shpatullave në vapën përvëluese. Ndihen si një “batanije” që na mban ngrohtë në momentin më të gabuar, duke na bërë të djersitemi e për pasojë, flokët duken të çrregullta dhe aspak bukur. Është një cikël i njohur për të gjitha vajzat që kanë flokë të gjatë dhe e dinë mirë sa i lodhshëm mund të bëhet ky proces.
Zgjidhja? Duhet të gjejmë mënyra të zgjuara për t’i mbajtur flokët larg qafës dhe fytyrës, pa humbur stilin. Një gërshet i thjeshtë i lartë nuk është e vetmja zgjidhje.
Për të të ndihmuar të frymëzohesh dhe të qëndrosh e freskët këtë verë, kemi mbledhur disa nga stilimet më të bukura që kemi hasur në Instagram.
Shih më poshtë për sugjerimet tona të preferuara!
