Rreth 240 persona ishin në aeroplanin e rrëzuar në Indi.
Ky është informacioni i fundit që vjen, pas lajmit për rrëzimit të një aeroplani të Air India në aeroportin e qytetit perëndimor të Indisë, Ahmedabad.
Aeroplani që udhëtonte për në Londër u rrëzua në një zonë banimi të quajtur Meghani Nagar, tha për Associated Press Faiz Ahmed Kidwai, drejtori i përgjithshëm i Drejtorisë së Aviacionit Civil,
Ai tha se rrëzimi ndodhi pesë minuta pas ngritjes në orën 13:38 sipas orës lokale.
Ai tha se rrëzimi ndodhi pesë minuta pas ngritjes në orën 13:38 sipas orës lokale.
Kidwai shtoi se në bord ndodheshin 232 pasagjerë dhe 12 anëtarë të ekuipazhit.
Ministri i aviacionit civil të Indisë thotë se është “i tronditur dhe i shkatërruar” nga rrëzimi i aeroplanit.
“Unë personalisht po e monitoroj situatën dhe u kam udhëzuar të gjitha agjencive të aviacionit dhe reagimit ndaj emergjencave që të ndërmarrin veprime të shpejta dhe të koordinuara”, ka thënë Ram Mohan Naidu Kinjarapu.
“Ekipet e shpëtimit janë mobilizuar dhe po bëhen të gjitha përpjekjet për të siguruar që ndihma mjekësore dhe mbështetja e ndihmës po dërgohen me nxitim në vendngjarje”.
“Mendimet dhe lutjet e mia janë me të gjithë ata që janë në bord dhe familjet e tyre”.
Ky është rrëzimi i parë i një aeroplani Boeing 787, sipas bazës së të dhënave të Rrjetit të Sigurisë së Aviacionit.
Sipas mediave, 787 Dreamliner është një aeroplan me trup të gjerë dhe dy motorë, përcjell Telegrafi.
