Avokati Arianit Koci, paraditen e sotme zhvilloi një protestë para Kuvendit të Kosovës, me qëllim që të çojë një porosi për kryeministrin në detyrë, Albin Kurti dhe deputetët që të themelojnë institucionin ligjvënës.
Ai tha se ka pasur dëshirë që t’ia zë pritën Kurtit, por thotë se ai doli nga një derë tjetër.
“Pata shumë, shumë qejf që t’ia zë pritën kryeministrit Kurtit, por nuk ka ardh nga kjo hyrje. Mora informata se mbrojtja e afërt e përcakton se nga shkon kryeministri. Më është shmangur sepse më kanë pa përpara. Nuk e di a ka pas frikë… nuk isha unë vetëm aty, ishin edhe mediat, ishit ju, që ishin më të rëndësishëm se unë”, deklaroi Koci.
Ai thotë se këtë protestë e ka organizuar si qytetar, e jo në cilësinë e profesionit që e ushtron – prej avokati.
